Tu ts'ook u k'iinilo'ob le wi'inal máano' yanchaj to'on jump'éel múuch' meyaj yéetel le máaxo'ob ku jo'olíintiko'ob cada ámbito.
Nibóolal ti tuláakal le máaxo'ob táakpajo'obo' tumen béeychaj u jóok'ol túukulo'ob jach ma'alobtako'ob tia'al u káajal u beetal ma tu xáantal ti'al ichil tuláaklone' k mu'uk'a'ankúnsik maaya t'aan ichil kúuchililo'ob tu'ux ku su'usu'utkubaj le maaya wíiniko'.
Je'el bix suukile' k p'atikte'ex u boletini' le wi'inala', tu'ux yaan ba'axo'ob ku taal u meyáajtik U Péekbal Waye' je'el bix: péektsilo'ob, xíimbalo'ob, ki'imak óolal, yéetel junjaats Náaysaj óoli' tu'ux yaan kaxan t'aano'ob, laberinto, k'ak'alt'aano'ob yéetel na'ato'ob. Kexi' ka utschajak ta wiche'. 😊
Wa a k'áat a wéens le boletina' je'el u béeytale', chen a ts'áank'abtik te'ela':